फ्रान्समा नेपालीको इज्जत वढाउँदै अर्याल

एउटा नेपाली ठिटो, जसले विश्वकै समृद्ध मानिने युरोपको फ्रान्समा आफ्नो पहिचानसँगै नेपालीको क्षमता चिनाउनु कम गर्वको विषय होइन । फ्रान्समा कार्यरत आफ्ना बुवा हरिहर अर्याल र आमा ...लाई भेट्न सन् १९९० मा फ्रान्सको पेरिस १४ बर्षकै उमेरमा छिर्नुभएका गोरखाका निर्मल अर्यालले अहिले आफ्नो अध्ययन तथा सामाजिक कार्य दुवै क्षेत्रमा छुट्टै पहिचान बनाइसक्नु भएकोछ । परिश्रमी र जेहेन्दार अर्याल यूरोप गएलगत्तै अध्ययनमा लाग्नुभयो । हाल उहाँ सिभिल इञ्जिनियरिङमा स्नातकोत्तर पूरा गरेर विशिष्ठ इञ्जिनियरको हैसियतमा फ्रान्समा कार्यरत हुनुहुन्छ । विद्यावारिधीको तयारीमा समेत रहनुभएका अर्याल फ्रान्समा गैरआवासीय नेपाली संघको अध्यक्ष समेत हुनुहुन्छ । शिक्षित तथा समाजसेवी परिवारमा हुर्कनुभएका अर्याल सानै उमेरदेखि सामाजिक कार्यमा अग्रसर बन्न थाल्नुभएको थियो । फ्रान्समा रहदा पनि उहाँले ब्रि पनौती सहयोग मैत्री संघ र अन्य विविध मैत्री संघमा सहयोगी भूमिका निभाउदै आउनुभएको थियो । फ्रान्समा २००५ मा पिता हरिहर अर्यालको नेतृत्वमा एनआरएनए फ्रान्स स्थापना भएपछि सन् २००७ देखि ९ सम्म एनआरएनको कार्य समितिको युवा प्रतिनिधिको जिम्मेवारी निभाउनुभएका अर्यालको कार्यदक्षता र लोकप्रियताको कारण नेपाली समुदाय तथा विशेष गरेर युवा वर्गले एनआरएनए फ्रान्सको अध्यक्ष पदमा ल्याउन सफल भए ।

नेतृत्व तथा योग्यताको क्षेत्रमा अब्बल अर्यालको यही गुणका कारण पेरिस नजिकको सान्डेनी शहरको एउटा सहकारी बैंक ख्रेंडी म्युचियलमा घनिष्टता कायम हुन गयो र बैंकका प्रबन्धकहरू तथा लगानीकर्ताहरूको आँखामा उहाँ पर्नुभयो । फलस्वरुप सो बैकको सञ्चालक समितिको अध्यक्ष पदमा ३ वर्ष देखि जिम्मेवारी संहालिरहनु भएको छ ।

फ्रान्सको राजनीतिमा कानूनीरूपले फ्रान्समा वसोवास गरेका युरोपियन देशभित्रका नागरिकले स्थानिय निर्वाचनमा उम्मेदवार बन्न र मतदान गर्न सन् १९९८ देखि अधिकार प्राप्त गरेका छन् । युरोपियन नागरिकका साथै अन्य नागरिकले पनि यो अधिकार पाउनु पर्दछ र अधिकार दिनुपर्दछ भन्ने विषयमा फ्रान्समा निकै छलफल अहिले पनि भइरहेकोछ । फ्रान्सका राष्ट्रपति फ्रँस्वा होलण्डले आफ्नो कार्यकाल २०१७ भित्रमा सबै प्रकारका बिदेशीलाई यो निर्वाचनमा मताधिकार दिने कानून ल्याउने घोषणा पनि गर्नुभएको छ । फ्रान्सको यो अवसरलाई नेपाली यूवा अर्याल बसोबास गर्नुभएको ओभरभिलिय शहरको नगरपालिकाले यो अभियानलाई समर्थन गरेर जनमानसमा चेतना ल्याउने निर्णय गरेको छ । ओभरभिलिय पेरिससँग उत्तर तर्पm जोडिएको, धेरै क्षेत्रफल भएको कृयाशील नगरपालिका हो । यो शहरको जनसंख्या लगभग ८० हजार छ र यहाँ झण्डै ४० देशका मानिसहरू वसोवास गर्दछन् । यो शहरको क्षेत्रफल, उद्योगधन्दा आदिलाई महŒवकासाथ लिएर यसलाई पेरिसको २१ औं वडा बनाउने अर्थात पेरिसमा गाभ्ने योजना तीसौं वर्षअघिदेखि चलिरहेको पनि छ ।

विदेशी नागरिकलाई स्थानिय निर्वाचनमा मतदानको अधिकार दिने अभियान चलाउन निर्माण गरिने  सल्लाहकार परिषद् हाँक्न सक्ने व्यक्तिहरूको सुचिमा समेत अर्याल पर्नुभएको छ । अर्यालले दुई पटक जानकारीमूलक सभामा भाग लिएपछि झण्डै ४० देशका प्रतिनिधिहरू बीच ठूलो सभा सम्पन्न भयो । यो सभाले २९ जना परिषद् सदस्य चयन ग¥यो र २९ जनाबाट ७ जना रहने परिषद्को कार्यसमिति गठन ग¥यो । फ्रान्समा धेरै नै प्रभाव भएका अल्जेरियन, गरोक्कीयन, सेनेभालियन, बोलिभियन, श्रीलङ्कन आदिलाई उछिनेर सभाले नेपालका निर्मल अर्याललाई परिषद्को अध्यक्ष पदमा बिजय गरायो । यसरी एउटा नेपाली युवक यो शहरको बिदेशी बासिन्दाहरूको परिषद्को अध्यक्ष पदमा निर्वाचित भई नेपालको गौरब र इज्जत फ्रान्समा बढाउन सफल हुनुभएको छ । आशा गरौं हाम्री नेपाल आमाको छोरा अर्याल भोलि अझ अरु जिम्मेवारी पदमा पुग्न सकुन् ।

अर्यालको यो सफलतामा सम्पूर्ण नेपालीले गर्व गर्नुपर्दछ र कार्य सफलताको कामना गर्नु सान्दर्भिक हुन्छ । उहाको यो सफलता र अनुकूलताले फ्रान्सका नेपाली समुदायलाई मात्र होइन भविष्यमा सिङ्गो देश नेपाललाई पनि ठूलो सहयोग र इज्जत हुनसक्छ ।