Khabar Bhitra Ko Khabar: May 10, 2013

चोरी गर्न नपाएकोमा विरोध जनाउने विद्यार्थी त आलोचनाका पात्र भए नै अभिभावकहरूले पनि सो कार्यमा सहभागिता जनाउनुले हाम्रो सामाजिक संरचना कहीं भताभुङग हुने अवस्थामा त पुगेको होइन भन्ने शङका उत्पन्न हुन गएको छ। परीक्षाको वातावरण अमर्यादित बनाउने बिक्रेता बनेका छन् शिक्षा माफियाहरू भने क्रेता बनेका छन् विद्यार्थी र अभिभावकहरू। यसर्थ खराब वस्तु नियन्त्रण गर्न वस्तुको उत्पादक–बिक्रेतालाई नियन्त्रण गर्नु जरुरी छ। समाज विकासको महत्त्वपूर्ण पक्ष शिक्षा क्षेत्रमा देखिएको विकृतिले एउटा अभिभावकको परिश्रम, लगानी एवं सपनामात्र चकनाचुर हुँदैन, सिङगो समाज अनि राष्ट्रको विकास र अग्रगति नै चकनाचुर हुन सक्छ। चिट चोराउन पाएन भनेर बन्द र हडताल गर्ने अभिभावकहरूले यस तथ्यलाई समयमैं बुझ्न जरुरी छ।