उत्तेजक दृश्य राख्न छोराले बाबुलाई भनेकै हुन् त ?

असार १४ गतेबाट प्रदर्शनमा आउन लागेको चलचित्र ‘लभ फेरबर’ चर्चामा छ । चलचित्रमा समावेश केही दृश्य र गीतका कारण यो सिनेमाले चर्चा पाएको हो । चलचित्रमा गजित बिष्ट, निरज बराल र सुमिना घिमिरे मुख्य भूमिकामा देखिएका छन् । चलचित्रमा नायिका घिमिरेले दिएको केही उत्तेजक दृश्यका कारण दर्शकले विभिन्न अड्कल पनि काटेका छन् । लामो समयदेखि कलाको क्षेत्रमा सक्रिय निर्देशक शंकर आचार्यले अश्लिल दृश्य नै बेच्न खोजेको आरोप पनि धेरैले लगाएका छन् ।

तर निर्देशक आचार्यले भने आफूले छोरा राज आचार्यसँग सल्लाहा गरेरै सिनेमा निर्माण गरेको बताएका छन् । उनले भने, ‘मेरो परिवारसँग धेरै पटक सल्लाहा गरेर हामी छायांकनमा गएका हौ । अब तपाई आफै नै भन्नुहोस्, परिवारसँग बसेर तयार भएको सिनेमा पारिवारिक हुन्छ कि अश्लिल ?’