काठमाडौंमा सडकमै खोलो बग्नेगरी भिषण वर्षा (भिडियोसहित)
राजधानीका सडकहरु पूरै जलमग्न भएका छन् भने कैयौं घरहरुमा समेत भल पसेको छ । सडक पूरै जलमग्न हुँदा ट्राफिक व्यवस्थापन समेत अस्तब्यस्त भएको छ भने पैदल यात्रुलाई समेत निकै मुश्किल भएको छ ।
बर्षाले बानेश्वर, कालिकास्थान, वुद्ध नगर, कोटेश्वर लगायतका स्थानका थुप्रै घरमा भलपानी पसेको छ । ती क्षेत्रहरुमा उद्धारका लागि सुरक्षाकर्मीहरु परिचालन गर्नुपरेको छ ।
राजधानीका ठमेल, जमल, पुतलीसडक, कमलादी, त्रिपुरेश्वर, मैतीदेवी, नक्साल, सामाखुशी लगायतका स्थान पूरै जलमग्न बनेका छन् । लगातार बर्षा हुँदा राजधानीका नदीहरुमा पानीको सतह ह्वात्तै बढेको छ ।
उता, बर्षाकै कारण त्रिभुवन अन्तर्राष्ट्रिय विमानस्थलबाट राष्ट्रिय तथा अन्तर्राष्ट्रि उडान प्रभावित भएका छन् । प्रतिकुल मौसमका कारण कतार एयरवेजको विमान अवतरण गर्न नसकी भारतको लखनऊ पठाइएको थियो भने युनाइटेड बंगलादेशको विमान बंगलादेश नै फर्किएको थियो ।
बर्षाकै कारण आन्तरिक हवाई सेवा पनि प्रभावित भएको विमानस्थलले जनाएको छ । गत सोमबार पनि बर्षाका कारण एक घण्टा विमानस्थल बन्द भएको थियो ।
Category: News
0 comments